Monday, January 23, 2012

Car Crash 2012


مثل ما قلتلكم من قبل واضح انها سنة تهبل من اولها كل هذا و احنا لي
الحين في شهر واحد...الله يستر من الياي

للي ما درى لي الحين اليوم الصبح و انا رايح الدوام سيارتين جدامي دخلوا
في بعض و انا دخلت فيهم, مع اني ما كنت ماشي بسرعة بس كل شي صار جدامي
بسرعة ما مداني اوقف السيارة او حتى لو اخلي الدعمة تصير جنب.

الغريب بالموضوع ان الطرف الثاني كان ولد رفيجة امي يمكن 15 سنة اسمع فيه
و ما شفته و شوفوا اليوم شلون شفته...
كل يوم اطلع عالدائري الرابع قلت اليوم بسوي نيولوك و بغير طريجي, الطرف
الاول كان ريال كبير سيارته شفر دبابة 1985من زمان ما شفتها بالشارع و
اليوم شفتنا عدل و خرت بانزينها كله عالشارع زين ما شبت فينا جان كملت.

من الخرعة اذكر اني صرخت و انا قاعد اشوف نفسي داخل بالسيارة و ما كملت
صرختي للاخر و حسيت ان ركبي "سابت" من الصدمة ما تحركت لما واحد فتح
الباب و طلعني من السيارة...كان يوم اكشن كوكب المغامرة و الغموض.

2 comments:

Abdulaziz Al-Ateeqi said...

سلامات و ما تشوف شر

RADIANT GUY said...

يسلمك الشر ما اييك