Tuesday, May 31, 2011

تجربة قيادة لكزس آي أس سي

طبعاً للي يتابعون تويتري و فيسبوكي راح يكون عندهم علم عن الحادث السخيف اللي صارلي شهر 3 اللي طاف و قررت إني ما أصلح السيارة عشان حسيت انه ما يسوى، هذا على إفتراض إن في أحد أصلا يدري عن مدونتي هذي فما بالكم تويتري.

المهم قعدت أشوف سيارات شنو آخذ و طبعاً محتار بين كذا سيارة منهم Lexus IS300C و اللي ابيه يا هالسيارة تحديداً يا سيارة دفع رباعي…

المهم اليوم جربت السيارة و حسيت إنها تمشي فوق الشارع ثابتة على الأرض بس سكانها شوي ناشف…بس الأهم من هذا كله إني صورت و حطيت الصورة في الفيسبوك و البلاكبيري مسنجر…بعدها بثواني بدوا الجماهير الغفيرة يتوافدون و كلمن دش يباركلي و اللي يدق و اللي حط الصورة و اللي علق في الفيسبوك…أول شي كنت أقولهم قاعد أجربها ما شريتها….و انشغلت بالدوام و عقب شفت كم هائل من تهاني و التبريكات فقمت أضحك لوووول

يعني جد في ناس انا ما اعرفهم عدل و صدموني اليوم بردة فعلهم الظاهر يبوني أردفهم لووووووووول
الحين أخليكم مع الصور و انتو جاوبوا على هالسؤال…هل لون السيارة هذا يبرز لون عيوني و الا اخذ لون ثاني؟

IMG-20110531-00289IMG-20110531-00290
IMG-20110531-00291

تحديث: شريت سيارة أخيراً بس مو اللي في الصورة، شريتها هدية حق نفسي بعيد ميلادي بعد ما نفسيتي كانت تعبانة شوي من شي ماني قايل شنو :P

Thursday, May 19, 2011

my stolen photo

مع تحيات قنصلية الكويت في دبي
لا يعني اللي باط جبدي مو ان ماخذينها بدون لا يستأذنون...اللي باط جبدي ان لو قايليلي جان عطيتهم اياها هاي رزليوشن و غير جذيه لو موقفني احد جان سوالي سالفه عشان التصوير

Monday, May 09, 2011

بلانيتاري

برنامج رائع يقوم بتنظيم ملفات الصوت الموجودة  على الآيباد على هيئة مجرة كل نجم عبارة عن فنان و كل فنان تدور حوله كواكب تمثل الآلبومات و كل كوكب تدور حوله أقمار تمثل الأغنيات في الألبوم

للتحميل من هنا

  صو5454رة