Saturday, May 17, 2008

Nikon 50mm -1.8

My journey continues with...

توه وصلت عدستي اللي صارلي اشهر متردد اخذها....قبل شهرين يوم قررت خلاص باخذها قالولي الوكالة انها Out of stock و كل مره يقولون احنا طلبنا الشهر الياي توصل...اخر شي قررت اطلبها قبل اسبوع تقريباً من أمازون و وصلت اخيراً.

لي الحين بقراطيسها عشان الجو غبار عندنا اليوم...الاسبوع كله الجو احلى منه مافي بس يوم وصلت عدستي صار غبار
:(

شوي بروح اخذلها فلتر و شيلد اذا في و بجربها "رغماً عن أنف الغبار"...اشفيه ابو القاسم الشابي؟ لوووول
اذا في احد هامه الموضوع راح احط صوره من التجربة اللي راح اسويها اهنيه بعدين.

تحديث: لي اليوم كان عندي عدسة وحدة اللي اهيه نيكون 18-200 ملم، من شريت كامرتي (قبل سنة تقريباً) مع العدسة هذي ما شلت العدسة من مكانها بس قبل شوي شلتها و صورت فيها صور أبهرتني بصراحة فيها العدسة خصوصاً مع إستخدامي إضاءة خافتة و حتى بدون ترايبود (حامل الكاميرا).

الصورة اللي فوق و اللي تحت صورتهم فيها :D

3 comments:

Yousef said...

yalla rawna li9war!! :D

Mr_CHoCoLaTe said...

يالله ناطرين

أتفائل بتصويرك

ابي اكلمك و اسئلك عن جم شي

في مجال اكلمك بالمسنجر ؟

mr_chocolate_q8@hotmail.com

RADIANT GUY said...

والله بصراحه يعني صدمتوني ما هقيت في احد قاعد يقرا بلوقي مع انه موجوده من 2005
لوووووووول

يوسف...اليوم صورت فيها لما اخترب الميموري مال الكاميرا لوووووول

مستر شوكولا...اكيد انا ضفتك :)
و غريب انك تتفاءل بتصويري بالعادة يقولونلي ان تصويري كله ظلمه و سوداوي مع اني مو جذيه
:D